ÅRSMØTEPROTOKOLL FOR AGDER HISTORIELAG LAURDAG 12. APRIL 2008

Stad: Majorstuen, Evjemoen, kl.1100-1525.

Til stades: Om lag 50 direktemedlemer/lokallagsrepresentantar.

Innleiing: Styreleiar Beint Foss ynskte velkomen.
Anders Auen Grimnes var forsongar på No livnar det i lundar som heile møtelyden stemde i med. Torbjørg Rysstad og Maria Haugå gav til gode tradisjonsrikt hardingfelespel før Nils Voie Johansen heldt eit interessant og godt føredrag om den 3 år korte gullgruvesoga til Arendal. Klokka 12.20 var det middag. Etter middag vart det meir underhaldning; dikt og song med Stein Kleivene. Turnemnda sonderte interessa for 4 utkast til moglege turar.

Sak 1 VAL AV MØTELEIAR
Beint Foss vart vald til møteleiar.

Sak 2 GODKJENNING AV INNKALLING OG SAKLISTE
Innkallinga og saklista vart godkjende med oppmoding om at budsjett og kven som er på val vart sendt ut i forkant av årsmøtet.

Sak 3 VAL AV TO REPRESENTANTAR TIL Å SKRIVE UNDER PROTOKOLLEN
Ellinor Lundberg (Arendal Historielag) og Per Solaas (Holum Historielag) vart valde til å skrive under protokollen.

Sak 4 GODKJENNING AV ÅRSMELDING
Årsmeldinga vart godkjend med akklamasjon.

Sak 5 GODKJENNING AV REKNESKAPEN
Ragnhild Skarsten Larsen la fram rekneskapen, som viste vel 37.729 kroner i underskot i 2007, fordelt på 25.120 kr på drift og 12.609 kr på Agdersoga. Men all porto og arbeidshonorar for agdersoga vart ført på drifta. Møtelyden kom med merknad om at verdien av bøker som ligg på lager bør kome inn i jamvektrekneskapen. Som nemnt i årsmeldinga, vil dette verte gjort når lageret vert flytta til den endelege kontorstaden (Bentsens Hus). Rekneskapen var revidert og funne i orden, jamfør revisjonsmeldinga som låg ved. Rekneskapen vart samrøystes godkjend.

Sak 6 VEDTEKTER
Eit utkast med oppdatering og presisering av vedtektene vart lagt fram.
Fyrst vart det samrøystes vedteke at vedtektene kunne verte lagt fram til røysting samla.
Så vart dei nye vedtektene samrøystes vedteke av årsmøtelyden med desse endringane:
Paragraf 2: ordet ovanfor vart retta til overfor
Paragraf 5: Fevennen og Agderposten (dei to siste vart lagt til)
Paragraf 5: kontingentauke vart endra til kontingent
Ordet omframt vart i vedtektene endra til ekstraordinært

Årsmøtelyden oppmoda dessutan styret til - innan neste årsmøte - å vurdere eventuelle endringar og/eller presiseringar når det galdt paragraf 10 oppløysing; kva skal til for å kalle eit lag oppløyst? Styret kunne òg vurdere å leggje fylgjande til vedtektene på neste årsmøte: Der me har oppnemningsrett, skal valnemnda kome med ei innstilling. Ei tredje oppmoding galdt dette med direkte medlemer og eventuelt røysterett fyrst etter å ha vore medlem eit år.

Sak 7 INNKOMNE SAKER
Styret i Agder Historielag hadde fått førespurnad om å utnemne kandidatar til AAKS, og sendte saka vidare til valnemnda, som hadde to ulike innstillingar til spørsmålet:
Alternativ 1: Jan A. Ommundsen, med Terje Sandkjær som vara (3 røyster for, 1 imot)
Alternativ 2: Bjørg Kleivene, med Terje Sandkjær som vara (1 røyst for, 3 imot)
Bjørg Kleivene var til stades på årsmøtet, og ynskte å late Terje Sandkjær ta kandidatplassen.
Etter at årsmøtelyden hadde drøfta saka, vart det røysta skriftleg over dei to framlegga til kandidatar: Jan A. Ommundsen og Terje Sandkjær, der den med flest røyster fekk hovudplassen, og den med færrast røyster fekk varaplassen. Etter oppteljing fekk Terje Sandkjær 21 røyster og hovudplassen og Jan A. Ommundsen 13 røyster og varaplassen. 9 røystesetlar var blanke.

Sak 8 BUDSJETT
Årsmøtet gjekk samrøystes inn for det framlagde budsjettet.

Sak 9 VAL
I valnemnda sat Ellinor Lundberg (Arendal), Jørdis Hodnemyr (Vennesla), Olav Arne Kleveland (Evje) og Per T. Knudsen (Kr.sand). Noko alternativt framlegg kom ikkje fram, og valnemnda sitt framlegg vart samrøystes vedteke.


Styret i Agder Historielag:

AUST-AGDER DIREKTE MEDL.   VEST-AGDER DIREKTE MEDL.
         
Styremedlem Anders Auen Grimnes   Styremedlem Beint Foss
Attvald for 2 år V.Moland+Lill.historielag   Ikkje på val, 1 år att Tveit Historielag
         
Varamedlem Kristian Sundtoft   Varamedlem Helge Wiig
Nyvald for 2 år V.Moland+Lill.historielag   Ikkje på val, 1 år att Holum Historielag
         
AUST-AGDER LOKALLAGSMEDL.   VEST-AGDER LOKALLAGSMEDL.
         
Styremedlem Hallvard Tveit   Styremedlem Inge Augland
Ikkje på val, 1 år att Valle Sogelag   Nyvald for 2 år Torridal Historielag
         
Varamedlem Bernt Gautestad   Varamedlem Liv Kirsten Rølland
Ikkje på val, 1 år att Evje og Hornnes Sogelag   Attvald for 2 år Tveit Historielag
         
Styremedlem Ellen Ledaal Gjertsen   Styremedlem Ragnhild S. Larsen
Attvald for 2 år Arendal Historielag   Attvald for 2 år Flekkefjord Historielag
         
Varamedlem Sveinung Lien   Varamedlem Kari Bruli
Nyvald for 2 år Tvedestrand Historielag   Attvald for 2 år Kvinesdal Historieag
         
Styremedlem Jan Arild Andersen   Styremedlem Turid Bjørkenes
Ikkje på val, 1 år att Stokken Historielag   Ikkje på val, 1 år att Holum Historielag
         
Varamedlem Jan A. Ommundsen   Varamedlem Olaf Ingebretsen
Ikkje på val, 1 år att Tromøy Historielag   Ikkje på val, 1 år att Vennesla Historielag

 

Leiar: Beint Foss frå Tveit, attvald for 1 år

Nestleiar: Anders Auen Grimnes frå Lillesand, attvald for 1 år

Revisjon/ettersyn av rekneskap: Fylkesrevisjonen i Vest-Agder

Valnemnda: Olav Arne Kleveland (attval 1 år), Ellinor Lundberg (attval 2 år), Per T. Knudsen (attval 2 år), Jørdis Hodnemyr (attval 1 år)

Utsending til årsmøtet i Landslaget:
Vest-Agder: Beint Foss
Aust-Agder: Anders Auen Grimnes

Protokoll signert Per Solaas og Ellinor Lundberg

Referent: Borghild Løver